NITIN KALCHAWI NA A RINGTU’NA HRIETZING DING A PAWIMAW HAI: Evan Darthangsiem Sungte. 1. Ei thlarau in pei sienkhawm ei taksa hi a hratnaw hlak leiin, thlemna laka ei ngir zing theina dinga pawimaw chu tawngtaina hi a nih. ( Matthai 26:4) 2. Lalpa le intlawn zing nadinga pawimaw lai pakhat chu in ngaitlawmna hi a nih. Lalpa hma a mi in ngaitlawm hai chu ama ngaia mi hamtha an nih. ( Luka 1:48, Matthai 5:5) 3. Harsatna le mang angna kara Lalpa’n ei chunga thilmak alo thaw hai le ama a thangpuina ei dawng hai hi ngaituo ngaituo hlak ding a nih. ( Deut. 6:21-25, Exo. 13:3) 4. Ei hringnun a thil hung tlung hai a sie khawm a tha khawm ei dit khawm ei ditnaw khawm Isu hminga lo pawm tlat tum ding. ( 1 Tim. 4:4, 1. Thess. 5:8, Rom 11:36, Sam 107:11) 5. Taksa malsawmna hai nek in thlarau malsawmna hai hi ei Lalpa ngaia a hlu lem a nih. ( Luka 12:29-31, John 6:27) 6. Thil ei thaw hrim hrim hai hi ringzo (Confidence) taka thaw hlak ding. Isu’n ei khat in a min umtir ngai si naw a. ( Deut. 31:8, 1 Pet. 5;7, Filipi 4:13, Isai 12:2) 7. Ei chunga thil hung tlung ding hai hi lo ngaituo rak rak atha nawh. Hmatieng lo ngaituo taluo leiin Pathien ditdan nekin ei ditdan in fe nuom a awl. ( Jakob 4:14, Rom 8:28) 8. Thunun na ei lo tuok chang in, hrietthiem naw lei ringawt in Lalpa hi nur san ding an nawh. Hmangaina lei cho a ami thunun lem hlak a nih. ( Heb. 12:6) 9. Ei lungril hi chungtieng (Vanram) inlen zing hlak ding. Vanram ngai ngawi ngawi neina chun khawvel thil hai thlakhla na ami sukbo pek hlak. ( 2 Kor. 5:1-2) Kol. 3:2) 10. Taksa mit a hmu el thei talo, mihriem ramtaka ngaituo khawm in beisei na um talo, Lalpa thu/remruotna ani ti hre a hmatienga ke pen tral tral hai chu Lalpa ngai a mi huoisen indik tak hai an nih. ( Rom 4:18, 2 Cor, 5:7, Heb. 11:8) Points to Remember: ** Lalpa rawl ei hrietna awl tak chu Bible tiem hi a nih ** Lalpa’n mi a ko suok reng reng hai hi thaw ding pe lo in an kir tir ngainawh. eg, Mosie, Jonah, Peter, etc. ** Ringtu puitling ani zie sukchiengna tak chu hrietthiemna hi a nih. ** Pathien ram (hnuoia ei umsunga thaw ding hai) huol lawk thei an nawh. |
|
Gospel TodayMoving the Gospel with the electronic.....Let's move the Gospel.... ArchivesCategories
All
|